04.07.2011

Соғлиқни сақлаш вазирлигининг
2011 йил 3 январдаги 3-сонли буйруғига
1-илова

Ўзбекистон Республикаси Соғлиқни сақлаш вазирлигига
тиббий фаолиятни амалга ошириш учун лицензия талабгори томонидан топширилиши керак бўлган хужжатлар
РЎЙХАТИ

1.Тиббий фаолиятни амалга ошириш хуқуқини берувчи лицензия олиш учун топширилиши керак бўлган хужжатлар рўйхати:

а) лицензия бериш тўғрисида ариза, унда қуйидагилар кўрсатилади:

юридик шахснинг номи ва ташкилий-ҳуқуқий шакли, унинг жойлашган жойи (почта манзили), тиббий фаолият кўрсатиш манзили, амалга ошириш мўлжалланаётган тиббий ихтисослик тури, тиббий хизмат шакли, зарур холларда тиббий муолажа/операциялар ҳажми, тиббий фаолият амалга ошириладиган муддат, банк муассасасининг номи ва банк муассасасидаги ҳисоб рақами, телефони, факс;

б) юридик шахснинг давлат рўйхатидан ўтказилганлиги тўғрисидаги гувоҳноманинг нотариал тасдиқланган нусхаси;

в) ҳудудий Давлат санитария - эпидемиология назорати марказининг аризада кўрсатилган тиббий ихтисослик тури, тиббий хизмат шакли бўйича амалга ошириш учун мўлжалланган биноларнинг санитария нормалари ва қоидаларига мувофиқлиги тўғрисидаги санитария хулосаси;

г) лицензия талабгорида сўралаётган ихтисослик бўйича тиббий фаолиятни амалга ошириш учун зарур бўлган мавжуд тиббий асбоб-ускуналар ва аппаратларнинг рўйхати;

д) “Ўзстандарт” агентлиги органлари ёки ”Ўзстандарт” агентлигида тегишли хулосалар бериш ҳуқуқи учун аккредитация қилинган метрология хизматлари томонидан тиббиёт асбоб-ускуналари ва аппаратларининг метрология нормалари ва стандартларига мувофиқлиги тўғрисида берилган хулоса;

е) тиббий муассаса раҳбари ёки бош врач учун – меҳнат дафтарчаси ва уни раҳбар (бош врач) лавозимга тайинлаш тўғрисидаги буйруқнинг нусхаси, олий тиббий маълумот тўғрисидаги дипломнинг, малака тоифаси берилгани тўғрисидаги сертификатнинг, кейинги 5 йилда малака оширганлик ва/ёки ихтисослашувдан ўтганлик тўғрисидаги ҳужжатнинг нотариал тасдиқланган нусхаси, шунингдек мутахассис врачлар учун- олий тиббий маълумот тўғрисидаги дипломнинг, малака тоифаси берилганлиги тўғрисидаги сертификатнинг, кейинги 5 йилда малака оширганлик ва/ёки ихтисослашувдан ўтганлик тўғрисидаги ҳужжатнинг нотариал тасдиқланган нусхалари;

ж) лицензия талабгори томонидан лицензия талабгорининг аризаси лицензияловчи орган томонидан кўриб чиқилганлиги учун йиғим тўланганлигини тасдиқловчи ҳужжат (қонунчиликда ўрнатилган тартибда, энг кам иш ҳақининг 5 баробари миқдорида).

2.Лицензиат қайта ташкил этилиши муносабати билан

топшириши керак бўлган ҳужжатлар рўйхати

(тиббий фаолият кўрсатиш манзили ўзгармаган ҳолда)

а) амалдаги лицензияни қайта расмийлаштириш тўғрисидаги ариза, унда қуйидагилар кўрсатилади:

юридик шахснинг номи- почта манзили, банк муассасасининг номи ва банк муассасасидаги ҳисоб рақами, телефони, факс;

б) юридик шахснинг давлат рўйхатидан ўтказилганлиги тўғрисидаги гувоҳноманинг нотариал тасдиқланган нусхаси;

в) амалдаги лицензия ва лицензия шартномасининг асли;

г) лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим тўланганлигини тасдиқловчи хужжат (энг кам иш ҳақининг 2,5 баробари миқдорида).

3. Лицензиатнинг тиббий фаолият кўрсатиш манзили ўзгарган тақдирда топширилиши керак бўлган ҳужжатлар рўйхат:

а) амалдаги лицензияни қайта расмийлаштириш тўғрисидаги ариза, унда қуйидагилар кўрсатилади:

юридик шахснинг номи, ташкилий-ҳуқуқий шакли, тиббий ихтисослик тури, тиббий хизмат шакли, тиббий муолажа/операциялар ҳажми, почта манзили ва янги тиббий фаолият кўрсатиш манзили, банк муассасасининг номи, банк муассасасидаги ҳисоб рақами, телефони, факс;

б) амалдаги лицензиянинг нусхаси, лицензия шартномасининг асли;

в) ҳудудий Давлат санитария - эпидемиология назорати марказининг аризада кўрсатилган тиббий ихтисослик тури, тиббий хизмат шакли бўйича амалга ошириш учун мўлжалланган биноларнинг санитария нормалари ва қоидаларига мувофиқлиги тўғрисидаги санитария хулосаси;

г) лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим тўланганлигини тасдиқловчи хужжат (энг кам иш ҳақининг 2,5 баробари миқдорида).

4. Лицензиат тиббий ихтисослик турининг ўзгариши, қисқариши, кенгайиши муносабати билан топширилиши керак бўлган ҳужжатлар рўйхати:

а) амалдаги лицензияни қайта расмийлаштириш тўғрисида ариза, унда қуйидагилар кўрсатилади - юридик шахснинг номи ва ташкилий-ҳуқуқий шакли, почта манзили, тиббий фаолият кўрсатиш манзили, сўралаётган қўшимча тиббий ихтисослик тури ва тиббий хизмат шакли, тиббий муолажа/операциялар ҳажми, банк муассасасининг номи ва банк муассасасидаги ҳисоб рақами, телефони, факс;

б) юридик шахснинг давлат рўйхатидан ўтказилганлиги тўғрисидаги гувоҳноманинг нотариал тасдиқланган нусхаси;

в) ҳудудий Давлат санитария - эпидемиология назорати марказининг аризада кўрсатилган тиббий ихтисослик тури ва тиббий хизмат шакли бўйича амалга ошириш учун мўлжалланган биноларнинг санитария нормалари ва қоидаларига мувофиқлиги тўғрисидаги санитария хулосаси;

г) лицензия талабгорида муайян ихтисослик бўйича тиббий фаолиятни амалга ошириш учун зарур бўлган мавжуд тиббий асбоб-ускуналари ва аппаратлари рўйхати.

д) “Ўзстандарт” агентлиги органлари ёки ”Ўзстандарт” агентлигида тегишли хулосалар бериш ҳуқуқи учун аккредитация қилинган метрология хизматлари томонидан тиббиёт асбоб-ускуналари ва аппаратларининг метрология нормалари ва стандартларига мувофиқлиги тўғрисида берилган хулоса;

е) кенгайтирилаётган ва ўзгарган тиббий ихтисослик тури бўйича мутахассис врачлар учун - олий тиббий маълумот тўғрисидаги дипломнинг, малака тоифаси берилганлиги тўғрисидаги сертификатнинг, кейинги 5 йилда малака оширганлик ва/ёки ихтисослашувдан ўтганлик тўғрисидаги ҳужжатнинг нотариал тасдиқланган нусхалари;

- амалдаги лицензия ва лицензия шартномасининг асли;

ж) лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим тўланганлигини тасдиқловчи хужжат (энг кам иш ҳақининг 2,5 баробари миқдорида).

5.Лицензиат учун филиал очилиши муносабати билан

топшириши керак бўлган ҳужжатлар рўйхати:

а) амадаги лицензияни қайта расмийлаштириш тўғрисида ариза, унда қуйидагилар кўрсатилади:

- юридик шахснинг номи, почта ва тиббий фаолият кўрсатиш манзиллари, ташкилий-ҳуқуқий шакли, филиал (лар)ининг манзили, филиалда амалга оширилиши мўлжаллаётган тиббий ихтисослик тури ва тиббий хизмат шакли, тиббий муолажа/операциялар хажми, банк муассасасининг номи, ҳисоб рақами, барча манзиллардаги телефон рақамлари, факс;

б) юридик шахснинг давлат рўйхатидан ўтказилганлиги тўғрисидаги гувоҳноманинг нотариал тасдиқланган нусхаси;

в) ҳудудий Давлат санитария - эпидемиология назорати марказининг аризада кўрсатилган тиббий ихтисослик тури ва тиббий хизмат шакли бўйича амалга ошириш учун мўлжалланган биноларнинг санитария нормалари ва қоидаларига мувофиқлиги тўғрисида санитария хулосаси;

г) лицензия талабгорида муайян ихтисослик бўйича тиббий фаолиятни амалга ошириш учун зарур бўлган мавжуд тиббий асбоб-ускуналари ва аппаратлари рўйхати;

д) “Ўзстандарт” агентлиги органлари ёки ”Ўзстандарт” агентлигида тегишли хулосалар бериш ҳуқуқи учун аккредитация қилинган метрология хизматлари томонидан тиббиёт асбоб-ускуналари ва аппаратларининг метрология нормалари ва стандартларига мувофиқлиги тўғрисида берилган хулоса;

е) филиал очилганда: (агар филиал учун янги бош врач тайинланса)- бош врач учун - олий тиббий маълумот тўғрисидаги дипломнинг, малака тоифаси берилган тўғрисидаги сертификатнинг, кейинги 5 йилда малака оширганлик ва/ёки ихтисослашувдан ўтганлик тўғрисидаги ҳужжатнинг нотариал тасдиқланган, меҳнат дафтарчаси ва бош врач бўлиб тайинланганлиги тўғрисидаги буйруқнинг нусхаси, шунингдек:

филиалдаги мутахассис врачлар учун - олий тиббий маълумот тўғрисидаги дипломнинг, малака тоифаси берилганлиги тўғрисидаги сертификатнинг, кейинги 5 йилда малака оширганлик ва/ёки ихтисослашувдан ўтганлик тўғрисидаги ҳужжатнинг нотариал тасдиқланган нусхаси;

ж) амалдаги лицензиянинг нусхаси, лицензия шартномасининг асли;

з) лицензия талабгорининг лицензия бериш тўғрисидаги аризаси кўриб чиқилганлиги учун тўланадиган сумманинг ярми миқдорида йиғим тўланганлигини тасдиқловчи хужжат (энг кам иш ҳақининг 2,5 баробари миқдорида).


Страницы: 1 По стр.

Скачать файл :  Загрузить